Məzmuna keçin

Ekspertlərimiz

Xaricdə təhsil yolunda sizə dəstək olacaq ekspertlərlə tanış olun.

Məsul olduğu ölkə Estoniya

Elvin Mirzazada

Elvin Mirzəzadə informasiya texnologiyaları və proqram mühəndisliyi sahəsində beynəlxalq təhsil və peşəkar təcrübəyə malik mütəxəssisdir.

O, 2010–2015-ci illərdə Qafqaz Universitetində İnformasiya Texnologiyaları və Sistem Mühəndisliyi ixtisası üzrə bakalavr təhsili almışdır. Daha sonra 2021–2024-cü illərdə Estoniyanın Tartu Universitetində (University of Tartu) Süni İntellekt istiqaməti üzrə Kompüter Elmləri ixtisasında magistr təhsilini tamamlamışdır.

Elvin Azərbaycan və Estoniyada beynəlxalq şirkətlərdə və maliyyə texnologiyaları sektorunda geniş iş təcrübəsi qazanmışdır. Karyerası ərzində Kapital Bank, Union Fintech və Bolt kimi şirkətlərdə çalışmış, həmçinin Almaniyada yerləşən texnologiya şirkəti ilə əməkdaşlıq etmişdir. Hazırda Estoniyada Bolt şirkətində proqram mühəndisi vəzifəsində çalışır.

Xaricdə magistr təhsili alması və beynəlxalq texnologiya sektorunda qazandığı təcrübə ona təhsil və karyera imkanlarını fərqli perspektivlərdən qiymətləndirməyə imkan verir.

Xaricdə təhsil
Kompüter Elmləri, Süni İntellekt və Proqram Mühəndisliyi · Estoniya
Hazırkı iş və məkan
Software Engineer at Bolt · Tallin, Estoniya

Məsul olduğu ölkə İsveç

Nihad Ibrahimli

Mən 2012–2015-ci illərdə Böyük Britaniyanın nüfuzlu Manchester Universitetində Kompüter Elmləri (Computer Science) ixtisası üzrə bakalavr təhsili almışam. Daha sonra 2017–2020-ci illərdə İsveçin KTH Royal Institute of Technology universitetində Software Engineering of Distributed Systems ixtisası üzrə magistr təhsilimi KTH Tuition Waiver təqaüdü ilə tamamlamışam.

Azərbaycanla yanaşı, həyatımın müxtəlif dövrlərində Çexiya, İngiltərə və İsveçdə yaşamış, üç fərqli ölkədə peşəkar iş təcrübəsi qazanmışam. Xaricdə təhsil almaq, yaşamaq və işləmək mənə müxtəlif ölkələrin təhsil sistemlərini, mədəniyyətlərini və karyera imkanlarını yaxından tanımaq fürsəti verib.

İndiyədək bir çox insana təhsil və karyera istiqamətini müəyyənləşdirməkdə kömək etmişəm. İndi isə öz şəxsi təcrübəmi və biliklərimi paylaşaraq tələbələrə düzgün universitet, ixtisas və ölkə seçimində dəstək olmaq, onların gələcəkləri üçün daha düşünülmüş qərarlar vermələrinə kömək etmək istəyirəm.

Xaricdə təhsil
Kompüter Elmləri · İsveç
Hazırkı iş və məkan
Senior Software Developer · Stockholm, İsveç